Ukraynada müharibə: Putin Qərbin uzaqmənzilli silahları barədə xəbərdarlıq edir – FOTO

Putin Qərbin uzaqmənzilli silahları barədə xəbərdarlıq edir

IctimaiRey.az–Qərb ölkələri Kiyevə uzaqmənzilli silahlar göndərərsə, Rusiya Ukraynada hücum edəcəyi hədəflərin siyahısını genişləndirəcək, prezident Vladimir Putin bildirib.

Xəbərdarlıq bazar günü, paytaxt Kiyevin bəzi ərazilərini həftələr ərzində ilk sarsıdıcı hava zərbələri endirildiyi  zamanı edilib.

Rusiya Avropa ölkələrinin təchiz etdiyi tankları vurduğunu iddia edir. Ukrayna dəmir yolu təmiri zavodunun partladıldığını bildirir.

Donbasda gedən döyüşdə bir rus generalı həlak olub.

Rusiya martın sonunda Kiyev bölgəsindən çəkildikdən sonra, Donbasdakı hərbi səylərini yenidən cəmləşdirib.

Rusiya yavaş-yavaş, lakin davamlı şəkildə quruda – yüzlərlə kilometr şərqdə hərəkət edərkən, bir neçə ölkə Kiyevə qabaqcıl silahlar göndərməyi öhdəsinə götürüb.

Bu yaxınlarda ABŞ M142 Yüksək Hərəkətli Artilleriya Raket Sisteminin (HIMARS) göndərildiyini elan edib, hansı ki, 70 km (45 mil) məsafədəki hədəfləri vura bilən dəqiq idarə olunan raketləri vurur – bu, hazırda Ukraynanın əlində olan artilleriyadan xeyli uzağı vurandır.

Ağ Ev rəsmiləri deyirlər ki, onlar yalnız prezident Vladimir Zelenskidən Rusiya daxilində hədəfləri vurmaq üçün, istifadə olunmayacağına dair zəmanət aldıqdan sonra, raketlərin verilməsinə razılaşıblar.

Paketə həmçinin helikopterlər, tank əleyhinə silahlar, taktiki maşınlar və ehtiyat hissələri daxildir.

Almaniya həmçinin Ukraynanın bütün bir şəhəri Rusiyanın hava hücumlarından qoruya bilməsi üçün, özünün ən qabaqcıl hava hücumundan müdafiə sistemi olan İris-T sistemini göndərəcəyini vəd edib.

Bazar günü Rusiya dövlət televiziyasına müsahibəsində Putin deyib: “Ümumiyyətlə, əlavə silah tədarükü ilə bağlı bütün bu təlaşın, fikrimcə, yalnız bir məqsədi var – silahlı münaqişəni mümkün qədər uzun müddətə uzatmaq”.

Rusiya lideri ABŞ-ın tədarüklərinin yeni bir şey olmadığını deyib.

Amma o, daha uzun mənzilli raketlərin göndərilməsi ilə bağlı xəbərdarlıq edib: “Əgər onlar çatdırılsa, biz bundan dərs çıxarıb, hələ vurmadığımız hədəfləri vurmaq üçün, əlimizdə kifayət qədər olan silahlarımızdan istifadə edəcəyik”.

Ukrayna müdafiə nazirinin müavini Qərb ölkələrindən Rusiyaya qalib gəlməyə kömək etmək üçün, davamlı silah təchizatını saxlamağı xahiş edib.

“Biz artıq uzun sürən müharibəyə girmişik və daimi dəstəyə ehtiyacımız olacaq. Qərb başa düşməlidir ki, onun yardımı birdəfəlik ola bilməz, bizim qələbəmizə qədər davam edəcək”, – Hanna Malyar yerli mediaya deyib.

Ən şiddətli döyüşlər indi şərqdəki Severodonetsk şəhərində gedir. Şəhərin ələ keçirilməsi Luqansk bölgəsini Rusiya qüvvələrinə və onların qonşu Donetskin böyük hissəsinə nəzarət edən yerli separatçı müttəfiqlərinə təslim edəcək. Bu iki region sənayeləşmiş Donbassı təşkil edir.

Luqansk vilayətinin qubernatoru Sergey Qayday bildirib ki, Ukrayna qüvvələri Severodonetskin təxminən yarısını ələ keçirərək, rus qoşunlarını geri itələyib.

O, şəhərdə 15 min insanın qaldığını, lakin təxliyənin “hazırda mümkün olmadığını” söyləyib.

Prezident Volodymyr Zelenskyy, bazar günü Zaporojyanın cənubunu da əhatə edən yeni cəbhə səfəri çərçivəsində Donets çayı üzərindəki Severodonetsklə üzbəüz Lischansk şəhərinə səfər etdiyini söyləyib.

O, mətbuat ofisinin yaydığı videoda “Tanışdığım, əl sıxdığım, danışdığım və dəstəyimi bildirdiyim hər kəslə fəxr edirəm” deyib.

Rusiya Dövlət Televiziyasının məlumatına görə, Rusiya Hərbi Hava Desant Qüvvələrinin komandanı, general-mayor Roman Kutuzov tanınmamış Donetsk Xalq Respublikasının separatçı dəstələrinə rəhbərlik edib.

Separatçıların məlumatına görə, o, bazar günü Severodonetsk yaxınlığındakı Popasnyanski rayonunun Nikolaevka kəndində öldürülüb. Ukrayna ordusu bazar günü bölgədəki hücumları dəf etdiyini və əhəmiyyətli itkilər verdiyini bildirib.

Rusiya dövlət televiziyası bildirib ki, Kutuzov Ukraynada döyüşərkən həlak olan dördüncü rus generalıdır və Ukraynanın özü 24 fevral işğalından sonra 12 rus generalını öldürdüyünü bildirib.

Atəşkəs əldə etmək üçün diplomatik səylərə baxmayaraq, on minlərlə ölüb, milyonlarla insan evlərini tərk etmək məcburiyyətində qalıb.