Müharibənin 110-cu günü başa çatdı: Bu günün vacib xəbərləri- FOTO

 Ukraynada müharibə başlayandan bəri 288 uşaq həlak olub – Ukrayna Baş Prokurorluğunun ənənəvi xülasəsinə görə, Ukraynada müharibə başlayandan bəri 288 uşaq ölüb, 527-dən çox uşaq yaralanıb. Uşaqların əksəriyyəti Donetsk, Xarkov, Kiyev, Çerniqov, Luqansk, Xerson, Nikolayev, Zaporojye və Sumi vilayətlərində zərər çəkib. Bu məlumatlar yekun deyil: hərbi əməliyyatların davam etdiyi bir çox regionlarda və işğal olunmuş ərazilərdə ölənləri indi saymaq mümkün deyil. 1970-dən çox təhsil müəssisəsi bombardman və mərmilər nəticəsində zərər görüb, onlardan 194-ü tamamilə məhv edilib.

BMT may ayının sonunda Rusiyanın təcavüzü nəticəsində 3974 mülki şəxsin, o cümlədən 259 uşaq öldüyünü bildirib. Xarkov yaxınlığındakı vəziyyət haqqında Britaniya hərbi kəşfiyyatı bildirir ki, rus qoşunları həftələr ərzində ilk dəfə olaraq Xarkova doğru bir qədər irəliləməyə nail olublar. Xarkov vilayətinin rəhbəri Oleq Sinequbov isə, öz növbəsində bu səhər yazıb ki, “Xarkov istiqamətində düşmən hələ də müdafiəyə cəmləşib”. “İzyum rayonunda düşmən Boqorodiçnıya nəzarəti bərqərar etməyə çalışır və Slavyanska qarşı hücuma hazırlaşır”, – Sinequbov yazır. Sinequbovun sözlərinə görə, son sutka ərzində rus qoşunları Xarkov və bölgəni atəşə tutmağa davam edib, nəticədə bir nəfər ölüb, üçü uşaq olmaqla beş nəfər yaralanıb. “Xarkov vilayətində dörd rus raketinin vurması nəticəsində anbarlar və yük maşınları yanıb”, – o yazıb.

Slavyansk vilayətində Rusiya ordusu Boqorodiçnıya nəzarəti bərqərar etməyə və Slavyanska hücuma şərait yaratmağa çalışır. Xarkov vilayətində rus qoşunları Ukrayna qoşunlarının sərhədə doğru irəliləməsinin qarşısını almaq üçün, mövqe müdafiəsi həyata keçirir.

Ümumilikdə, müharibə başlayandan bəri, Ukrayna Baş Qərargahının məlumatına görə, Rusiya qüvvələri 1434 tank, 3503 zirehli döyüş maşını, 721 artilleriya sistemi və 588 pilotsuz uçan aparat itirib. Baş Qərargah Rusiya hərbçilərinin öldüyünü 32 500 nəfər hesab edir. Britaniya kəşfiyyatının məlumatına görə, mayın sonuna qədər Rusiya Ukraynada 15 minə yaxın insan itirib. Rusiya Müdafiə Nazirliyi sonuncu dəfə martın sonunda itkilər barədə məlumat verib – orada 1351 nəfər olub.

• Severodonetskdə bütün körpülər dağıdılıb, Luqansk hərbi administrasiyasının rəhbəri Sergey Qayday bildirib. Bu o deməkdir ki, Severodonetskə humanitar yüklərin çatdırılması və oradan evakuasiya artıq mümkün deyil, lakin Ukrayna ordusu bloklanmayıb və müdafiəni davam etdirir, Qaydai bildirib.
• Dövlətə məxsus “İzvestiya”, eləcə də TASS xəbər agentliyinin müxbirləri Donetskdə doğum evinin atəşə tutulduğunu bildiriblər. Yazırlar ki, doğum evinin işçiləri və doğuş çəkən qadınlar təxliyə edilib. Zərərçəkənlər barədə məlumat yoxdur.
• Tanınmamış “Donetsk Xalq Respublikası”nın rəhbəri Denis Puşilin Donetskin atəşə tutulmasından sonra, “Kiyev bütün sərhədləri keçib” deyib. Həmçinin, “Donetsk şəhərinin atəşə tutulması ilə əlaqədar olaraq, ilk növbədə Rusiya Federasiyasından əlavə, müttəfiq qüvvələrdən istifadə etmək lazımdır”.
• Amnesty International müstəntiqləri Xarkovda Rusiyanın hərbi cinayətlərinə dair sübutlar tapdıqlarını iddia edirlər. Onlar şəhadət verirlər ki, aprel və mayın əvvəllərində rus qoşunları şəhərdə kasetli sursatlardan və kasetli minalardan istifadə edib və bu, mülki əhaliyə təsir edib. Hazırda Xarkovda işləyən BBC jurnalistləri də eyni nəticəyə gəliblər.
• Henley & Partners analitik agentliyinə görə, bu il ölkənin Ukraynaya müdaxiləsi ilə əlaqədar 15 000-dən çox varlı insan Rusiyanı tərk edəcək. Əhalisinin faiz nisbətində ən çox varlı insanların itkisini Ukrayna da görəcək: ilin sonuna kimi 2,8 min milyonerin ölkəni tərk edəcəyi gözlənilir (bu, bir milyon sərvəti olan bütün insanların 42%-ni təşkil edir).
• Volodymyr Zelensky ukraynalıları Rusiya tərəfindən tutulan şəhər və rayonların sakinləri ilə daha çox danışmağa və azadlığın olacağını və Ukrayna ordusunun mütləq gələcəyini xatırlatmağa çağırıb.
• Rusiya qoşunları Çerniqov vilayətinə, Priluki şəhərinə raket zərbəsi endirib.
• Müharibə başlayandan Rusiya enerji resurslarının satışından 90 milyard dollar qazanıb, bu məbləğin əhəmiyyətli hissəsini Avropa ödəyib.
• Ukrayna Milli Polisinin rəhbəri İqor Klimenko bildirib ki, Ukraynada mülki şəxslərin ölümü ilə bağlı 12 mindən çox hadisə araşdırılır.