Mayın 9-da Qırmızı Meydan üzərində “Qiyamət Təyyarəsi” uçacaq -FOTO

Qızıl Meydandakı hərbi paradın aviasiya hissəsində “Qiyamət Təyyarəsi” adlanan İl-80 hava komandanlığından istifadə olunacaq. Həmçinin mayın 9-da paradda Su-57 qırıcıları və ən son MiQ-31İ təyyarələri təqdim olunacaq.

İctimairey.az xəbər verir ki, bu barədə TASS Rusiya Müdafiə Nazirliyinə istinadən məlumat yayıb.

“Qırmızı Meydandakı hərbi paradın aviasiya hissəsi Böyük Vətən Müharibəsinin bitməsindən sonrakı illərin sayına görə 77 təyyarə və helikopterlə təmsil olunacaq”, – Müdafiə Nazirliyi qeyd edib.

Rusiya Müdafiə Nazirliyinin saytında verilən məlumata görə, paradın hava hissəsini dünyanın ən böyük nəqliyyat helikopteri olan Mi-26 açacaq. Mi-8, Mi-24, Mi-28N və Ka-52 helikopterləri də Moskva üzərində uçuşlar həyata keçirəcək.