Avropa Komissiyası Suriya yeni əməliyyat başladır

Avropa Komissiyası Suriya xalqına təcili humanitar yardım çatdırmaq məqsədilə yeni bir əməliyyat başladığını açıqlayıb.

Musavat.com xəbər verir ki, “Humanitar Hava Körpüsü” adı verilən əməliyyat, bölgədəki ən çox ehtiyacı olan insanlara təcili tibbi yardım və digər əsas ehtiyac maddələrinin çatdırılmasını hədəfləyir.

Komissiyanın verdiyi məlumata görə, bu əməliyyat Suriyanın müxtəlif bölgələrində acil yardım ehtiyaclarını qarşılayacaq, xüsusilə müharibə və təbii fəlakətlərin səbəb olduğu böhran vəziyyətində olan əhali üçün həyati əhəmiyyət kəsb edəcək. Həmçinin bu əməliyyat çərçivəsində humanitar maliyyə vəsaitlərinin artırılması da planlaşdırılır.

Avropa Komissiyasının bu addımı, Suriyada davam edən münaqişə və humanitar böhranın fəsadları ilə mübarizə aparan beynəlxalq cəhdlərə dəstək olaraq qiymətləndirilir. Bu humanitar yardım əməliyyatı, bir çox beynəlxalq təşkilat və donor ölkələrin dəstəyi ilə həyata keçiriləcək.