Kreml: Ukrayna ilə sülh danışıqları üçün heç bir əsas yoxdur
“Rusiya ilə Ukrayna arasında sülh danışıqları üçün hazırda əsas yoxdur və Kiyevin təklif etdiyi sülh planı absurddur. Çünki o, Rusiyanı qane etmir”.
İctimai Rəy “REUTERS”-ə istinasən xəbər verir ki, bunu Kremlin sözçüsü Dmitri Peskov jurnalistlərə açıqlamasında deyib.
Kreml sözçüsü, “Biz həqiqətən də danışıqlar mövzusunun hazırda aktual olmadığını hesab edirik”,-deyə vurğulayıb. Peskov bildirib ki, Rusiyanın Ukraynaya qoşun yeritməsindən qısa müddət sonra Britaniyanın Kiyevə saziş layihəsini rədd etməsi üçün təzyiq göstərməsi ilə bu ölkə 2022-ci ildə sülh sazişi əldə etmək şansını itirib: Peskov deyib ki, Zelenskinin “sülh formulu” kimi tanınan sülh planı qüsurlu olub.
Qeyd edək ki, Zelenskinin 10 bəndlik sülh planı Rusiya qoşunlarının çıxarılmasını, hərbi əməliyyatların dayandırılmasını və Ukraynanın Rusiya ilə dövlət sərhədlərinin bərpasını nəzərdə tutur.