Azərbaycan İrəvanda keçiriləcək boks üzrə Avropa çempionatında iştirak etməyəcək

Azərbaycan boksçuları Avropa çempionatına getməyəcək, turnir İrəvanda keçiriləcək

Azərbaycan Boks Federasiyasının İdarə Heyəti milli komandanın Ermənistanda keçiriləcək Avropa çempionatına göndərilməməsi barədə qərar qəbul edib.

Turnir mayın 21-31-də İrəvanda keçiriləcək.

“Müzakirələr nəticəsində may ayında Beynəlxalq Boks Assosiasiyasına qarşıdan gələn seçkiləri, təlim-məşq toplanışlarını və idmançılarımızın dünya çempionatına hazırlığı proqramlarını, habelə digər incə məsələlər nəzərə alınaraq qərar qəbul edilib”, – federasiyanın açıqlamasında bildirilir.

Qeyd edək ki, Azərbaycan boksçuları 2019-cu il Avropa çempionatında bir qızıl və bir bürünc, 2021-ci ildə isə dünya çempionatında isə, bir qızıl və iki bürünc medal qazanıblar.