Moskvada partlayış: 2 ölü, 7 yaralı

Moskva vilayətinin Stupino rayonunda 5 mərtəbəli yaşayış binasında qaz partlayıb.

Axar.az xəbər verir ki, bu barədə Rusiya Fövqəladə Hallar Nazirliyinin regional bölməsi məlumat yayıb.

Məlumata görə, 4-cü mərtəbədə yerləşən mənzildə baş verən partlayış zamanı 4 və 5-ci mərtəbələr tamamilə dağılıb.

Partlayış nəticəsində 2 nəfər ölüb, 7 nəfər isə müxtəlif dərəcəli bədən xəsarətləri alıb. Yaralılardan biri azyaşlıdır.