İctimai Palata: Ukrayna neytrallığa açıqdır, lakin möhkəm təhlükəsizlik zəmanəti tələb edir

Ukrayna neytral statusa açıqdır, lakin möhkəm təhlükəsizlik zəmanəti tələb edir.

Bunu mediyaya açıqlamasında Ukrayna prezident aparatının rəhbərinin müavini İqor Jovkva deyib.

Onun sözlərinə görə, prezident Vladimir Zelenski Rusiya Federasiyasının prezidenti Vladimir Putinlə birbaşa danışmağa hazırdır, lakin danışıqlar zamanı Rusiyanın mövqeyində heç bir güzəştə getməyəcək.

Jovkva qeyd edib ki, Ukrayna və Rusiya xarici işlər nazirləri arasında martın 10-da Antalyada baş tutan görüşlə bağlı Ukrayna o qədər də optimist deyil və danışıqlarda heç bir irəliləyişə səbəb olmayıb.

“Görüşmələri çox yaxşıdı, amma təəssüf ki, deyə bilərik ki, son qərarı verən Rusiya Xarici İşlər Naziri deyil. Müharibənin dayandırılması, atəşkəsin yaradılması, qoşunların çıxarılması ilə bağlı yekun qərarı yalnız bir nəfər verir. ”, – deyən Jovkva, açıq-aydın Putini nəzərdə tutur.

Jovkva əlavə edib ki, Zelenski diplomatik həllə hazır olsa da, şəxsən bu barədə nə Putindən, nə də müşavirlərindən eşitməyib.

“Onlardan eşitdiyim son şey odur ki, biz iki nümayəndə heyəti formatında işi davam etdirməliyik… amma baxın, hətta bu danışıqlar zamanı əldə olunmuş razılaşmalara da əməl olunmur”, – Jovkva humanitar dəhlizlərə toxunaraq deyib.

Bununla yanaşı, Jovkva bildirib ki, Ukrayna neytrallığa açıqdır, “əgər NATO bloku hazırda Ukraynanı qəbul etməyə hazır deyilsə”.

“Lakin eyni zamanda, bu dəhşətli müharibənin, bu dəhşətli təcavüzün gələcəkdə təkrarlanmaması üçün, bizə Ukrayna üçün möhkəm təhlükəsizlik təminatları lazımdır”, – Jovkva vurğulayıb.

İP-ın rəis müavini deyib ki, Ukrayna “Avropanın yenilənmiş təhlükəsizlik sistemi” adlandırdığı sistemə başlamaq üçün, Putin və qonşu ölkələrlə işləmək istəyir.

O, həmçinin qeyd edib ki, Ukrayna Avropa ailəsinin bir hissəsi olmağa layiqdir və neytrallığa açıqdır.