Antalyada Ukrayna sammiti: Kiyev hökuməti deyir: “Biz torpaqlarımızı Rusiya ilə alver predmetinə çevirmirik” – FOTO
Rusiyanın Ukraynaya təcavüzündən sonra, ilk yüksək səviyyəli görüşdə iki ölkənin xarici işlər nazirləri Türkiyədə görüşür. Sammitdə Rusiyanın Krım və Donbas bölgəsindəki separatçı bölgələrin statusunu və Ukraynanın neytrallığını müzakirə edəcəyi gözlənilir. Görüşlərdən əvvəl BBC-nin suallarını cavablandıran Ukrayna baş nazirinin müavini bildirib ki, Rusiyanın irəli sürdüyü ultimatumlar qəbul edilə bilməz.
Rusiyanın Ukraynaya təcavüzündən sonra, ilk yüksək səviyyəli görüşdə iki ölkənin xarici işlər nazirləri Türkiyədə görüşür. Antalyada keçiriləcək sammitdə Sergey Lavrov və Dmitro Kuleba, eləcə də Türkiyənin xarici işlər naziri Mövlud Çavuşoğlu iştirak edəcək.
Sammitdə Rusiyanın Krım və Donbas bölgəsindəki separatçı bölgələrin statusunu və Ukraynanın neytrallığını müzakirə edəcəyi gözlənilir.
Atəşkəs, evakuasiya dəhlizləri və humanitar yardım məsələləri də müzakirə olunacaq.
Türkiyənin xarici işlər naziri Mövlud Çavuşoğlu sammitin “sülh və sabitlik gətirəcəyinə” ümid etdiyini bildirib. Bununla belə, Ukraynanın xarici işlər naziri Dmitri Kuleba Antalyaya getməzdən əvvəl gözləntilərinin “məhdud və aşağı” olduğunu bildirib.
Kiyev hökuməti öz ərazisi ilə bağlı danışıqlar aparmayacağını bildirir.
Türkiyədə keçirilən sammitdən əvvəl BBC-yə danışan Ukrayna baş nazirinin müavini İrina Veresçuk bildirib ki, Rusiyanın irəli sürdüyü ultimatumlar qəbul edilə bilməz.
Vereşuk Krımın Rusiya ərazisi, Donetsk-Luqanskın isə, müstəqil dövlət kimi tanınmasının “tamamilə qeyri-mümkün” olduğunu müdafiə edərək, “torpaqlarımızı sövdələşmə predmetinə çevirə bilmərik” deyib.
Newsnight proqramında sualları cavablandıran İrina Veresçuk “Ukrayna xalqının üzünə baxaraq, necə sakitcə torpaqlarımızı verə bilərik?”
Moskva isə, Ukraynadan Aİ və NATO-ya qoşulmayacağına dair rəsmi təminat verməsini, Krım və Donbasdakı yeni vəziyyəti qəbul etməyi tələb edir.
Antalyada keçirilən sammiti izləyən BBC diplomatiya müxbiri Ceyms Landale bugünkü çıxışlar nəticəsində fikir ayrılıqları arasında körpünün qurulmasının gözlənilmədiyini qiymətləndirir.