Ali Baş Komandan: Rusiya dinc şəhər və kəndlərə 113 “İsgəndər” və “Kalibr” raketləri atıb
Ukrayna Silahlı Qüvvələrinin Ali Baş Komandanı deyib ki, Putin rejiminin bu qanlı cinayəti Haaqa Tribunalında araşdırılmalıdır.
Ukraynaya işğal başlayandan bəri Rusiya Federasiyasının qoşunları Ukraynanın dinc şəhər və kəndlərinə qurudan və dənizdən “İsgəndər” və “Kalibr” tipli 113 raket atıb.
Bu barədə Ukrayna Silahlı Qüvvələrinin Ali Baş Komandanı Valeri Zalujnının bəyanatında deyilir.
“Açıq işğalın əvvəlindən Rusiya Ukraynanın dinc şəhər və kəndlərinə 113 operativ-taktiki quru və dəniz bazasından “İsgəndər” və “Kalibr” raketləri atıb”, – Zalujnı deyib.
“Putin rejiminin bu qanlı cinayəti beynəlxalq humanitar hüququn kobud şəkildə pozulmasıdır və Haaqa tribunalı tərəfindən araşdırılmalıdır”, o əlavə edib.