27 fevral gecəsi baş verənlər: Rusiya və Avropa İttifaqı hava məkanını bağlayır
Rusiya tranzit uçuşlar da daxil olmaqla Latviya, Litva, Sloveniya və Estoniyadan gələn təyyarələr üçün, hava məkanını bağlayıb.
İctimairey.az xəbər verir ki, bu barədə Rusiya Federal Hava Nəqliyyatı Agentliyinin məlumatında deyilir.
“Latviya, Litva, Sloveniya və Estoniyanın aviasiya hakimiyyətlərinin qeyri-dost qərarlarına görə, bu dövlətlərin və ya onlarda qeydiyyatda olan aviadaşıyıcıların Rusiya Federasiyası ərazisindəki məntəqələrə uçuşlarına, o cümlədən tranzit uçuşlarına məhdudiyyətlər qoyulub. Rusiya Federasiyasının hava məkanı”. – bəyanatda deyilir.
Böyük Britaniya, Bolqarıstan, Çexiya, Polşa, Rumıniya, Sloveniya, Latviya, Litva və Estoniya hava məkanlarını Rusiyaya bağlamaq qərarına gəliblər. Rusiya daha əvvəl cavab olaraq Britaniya, Bolqarıstan, Çexiya, Polşa və Rumıniya üçün səmasını bağlamışdı. Rusiya aviaşirkətlərinin Kalininqraddan uçuşları – Litvanın hava məkanının bağlanmasına baxmayaraq, normal şəkildə həyata keçirilir.
Nazirlikdən verilən məlumata görə, bundan sonra hava yolları Baltik dənizinin neytral sularından keçəcək. “Rusiya aviaşirkətlərinin Kalininqrada uçuşları adi qaydada həyata keçirilir. Bu bölgəyə uçuşlar üçün, Rusiya aviaşirkətləri Baltik dənizinin neytral sularından keçən hava marşrutlarından istifadə edəcəklər. Uçuş vaxtı artacaq, bununla əlaqədar olaraq uçuş cədvəlində dəyişikliklər mümkündür”, – Rosaviasiya qeyd edib.
Aİ ölkələri öz hava məkanlarını Rusiya təyyarələri üçün bağlayacaq. Bu barədə şənbə günü, fevralın 26-da ARD telekanalı öz mənbələrinə istinadən məlumat yayıb. O, qadağanın nə vaxt tətbiq edilməsinin planlaşdırıldığını dəqiqləşdirməyib. Bu günə qədər Bolqarıstan, Böyük Britaniya, Latviya, Litva, Polşa, Rumıniya, Sloveniya, Çexiya və Estoniya öz hava məkanlarını Rusiyaya bağlamaq barədə qərar qəbul ediblər. Bundan əvvəl, Almaniyanın ən böyük aviaşirkəti Lufthansa Ukrayna ətrafındakı vəziyyətlə əlaqədar Rusiyaya və onun hava məkanına uçuşları 7 gün müddətinə dayandıracağını açıqlamışdı.