MÖVQELƏR Dəyişir: Qərb Kiyevi ərazilərini Rusiyaya verməyə məcbur etməyə hazırdır

Qərb Kiyevi ərazilərini Rusiyaya verməyə məcbur etməyə hazırdır

Qərb artıq Ukraynadakı vəziyyətlə bağlı mövqeyini dəyişib. İndi o, Kiyevi münaqişənin sülh yolu ilə həlli naminə ərazi güzəştlərinə getməyə məcbur etməyə hazırdır.

IctimaiRey.az Mediya bu barədə Fransanın AgoraVox portalına istinadən xəbər verir. Qeyd edilir ki,  ABŞ və Avropa İttifaqı ölkələrinin mediası Moskvanın yanlış hərəkətləri ilə bağlı xəbərləri təkrarlamağı dayandırıb. İndi Qərb münaqişənin Rusiya tərəfinin xeyrinə nəticələnməsi ehtimalının yüksək olduğunu inkar edə bilməz. AgoraVox portalı qeyd edib ki, Qərb siyasətçiləri öz mövqelərini əsasən Rusiya Federasiyasının uğurla başa vurduğu missiyalara görə dəyişiblər. İndi onlar kompromis imkanlarını ciddi şəkildə nəzərdən keçirirlər, baxmayaraq ki, əvvəllər Avro-Atlantik birlikdə yalnız qəti anti-Rusiya bəyanatları eşidilirdi.

Nəticə: daha çox Qərb siyasətçiləri Putinlə “sülh danışıqları” üçün “atəşkəs”ə çağırır, hətta bu, Ukraynanı ərazi güzəştlərinə getməyə məcbur etmək demək olsa belə.

Bundan əvvəl ABŞ-ın keçmiş dövlət katibi Henri Kissincer Rusiya ilə danışıqları bərpa etmək üçün, Ukraynaya təsir göstərmək xahişi ilə Qərb ölkələrinə müraciət edib. Lakin o, daha sonra bəyan edib ki, hərbi əməliyyatlar başa çatdıqdan sonra, hər iki dövlət üçün dünyada “yer tapmaq lazım gələcək”.