Deputat Xaçatur Sukiasyan: Serj Sarkisyanın Baden-Badendəki kazinoda 100 milyon dollardan çox uduzub
Məhkəmə deputat Xaçatur Sukiasyana Serj Sarkisyanın kazinoda 100 milyon dollardan çox uduzduğunu sübut etməyi tapşırıb.
Bu gün İrəvanda ümumi yurisdiksiya məhkəməsində hakim Sergey Saakyanın sədrliyi ilə Ermənistanın üçüncü prezidenti Serj Sarkisyanın hakimiyyətdən olan sahibkar-deputat Xaçatur Sukiasyana qarşı iddiası üzrə məhkəmə iclası keçirilib.
“Faktİnfo”nun müxbirinin verdiyi məlumata görə, bu gün keçirilən məhkəmə iclasında sübut yükünün bölgüsü məsələsinə baxılıb, bununla bağlı tərəflər öz mövqelərini bildiriblər.
Nəticədə məhkəmə iddiaçıya “Siz hamınız yaxşı bilirsiniz ki, üçüncü prezident Baden-Badendəki kazinoda 100 milyon dollardan çox pul uduzub” ifadəsinin iddiaçı haqqında faktiki, yəni, burada mücərrəd olanlar deyil, aydın, konkret məlumatlar olduğunu sübut etməyi tapşırıb, Qeyd olunan faktiki məlumatların iddiaçının şərəf və ləyaqətini ləkələməsi də işin həlli üçün vacibdir ki, iddiaçı da bunu sübut etməlidir.
Bundan əlavə cavabdeh, öz növbəsində, sübut etməlidir ki, qeyd olunan ifadə əsas ictimai maraqdan irəli gəlir. O, təqdim olunan faktların doğru olduğunu da sübut etməlidir.
Məhkəmə iclası martın 18-i saat 16:00-a təxirə salınıb.
Xatırladaq ki, Ermənistanın üçüncü prezidenti Serj Sarkisyanın şərəf və işgüzar nüfuzunu ləkələyən məlumatların təkzib edilməsi tələbi ilə məhkəməyə iddia qaldırılıb. İddia vermək üçün əsas Sukiasyanın avqustun 25-də Ermənistan parlamentinin tribunasından “üçüncü prezident qumarxanada 100 milyon dollardan çox pul uduzub” bəyanatı olub.
Xaçatur Sukiasyandan başqa, Milli Assambleyanın aparatının təmsil etdiyi Ermənistan Respublikası da işdə cavabdeh qismində çıxış edir.
