İran Taliban nümayəndəsinin səfəri zamanı Əfqan vəsaitlərinin bloklanmasını açmağa çağırıb
Taliban administrasiyasının xarici işlər naziri vəzifəsini icra edən iranlı həmkarı ilə görüşmək üçün, İrana səfər edib və o, Talibanın hakimiyyətə gəlişindən bəri bloklanan Əfqanıstan maliyyə aktivlərinin humanitar məqsədlər üçün sərbəst buraxılmasına çağırıb.
İran Xarici İşlər Nazirliyinin sözçüsü bazar ertəsi günü deyib ki, bu səfər İran tərəfindən qonşu Talibanın nəzarətində olan Əfqanıstanın rəsmi tanınması deyil. Lakin İranın xarici işlər naziri ABŞ-ı dondurulmuş aktivlərinə görə tənqid edib.
Əfqanıstanın xarici işlər naziri vəzifəsini icra edən Əmir Xan Müttəki ilə görüşdən sonra, yerli xəbər agentliyinin verdiyi məlumata görə, xarici işlər naziri Hüseyn Əmirabdollahian “Amerikanın blokada etdiyi Əfqanıstanın aktivləri… humanitar məqsədlər üçün və Əfqanıstanda yaşayış şəraitinin yaxşılaşdırılması üçün istifadə edilməlidir” bildirib.
“Cəsur əfqan xalqının döyüşləri göstərdi ki, heç bir xarici qüvvə Əfqanıstanı işğal edib idarə edə bilməz”, – Hüseyn Əmirabdollahian deyib.
Taliban hakimiyyəti ələ keçirdiyi bir vaxtdan bəri, xarici hökumətlər yeni hökumətin rəsmi tanınmasından yayınmaqla yanaşı, Əfqanıstan iqtisadiyyatının və təhlükəsizliyinin dağılmasının qarşısını almaq üçün, Talibanı necə cəlb edəcəyini anlamağa çalışıblar.
Bir sıra digər Qərb hökumətləri tərəfindən dəstəklənən Birləşmiş Ştatlar Əfqanıstanın mərkəzi bankının xaricdə saxladığı milyardlarla aktivlərini bloklayıb və Taliban üzvlərinə qarşı sanksiyaları qüvvədə saxlayıb, bank sektorunu iflic edib və iqtisadi çöküşü sürətləndirib.
Bir neçə qonşu ölkə beynəlxalq ictimaiyyəti sərt Əfqanıstan qışı şəraitində baş verən humanitar böhranla mübarizə aparmaq üçün, tədbirlər görməyə çağırır.
Talibanın sözçüsü Bilal Kərimi bildirib ki, xarici işlər naziri vəzifəsini icra edən Tehranda Əfqanıstan Milli Müqavimət Cəbhəsinin (FNR) mühacirətdə olan lideri Əhməd Məsudla da görüşüb.
Kərimi deyib ki, Taliban Məsud və digər müqavimət liderlərini ölkəyə “gərginlik olmadan” qayıda biləcəklərinə əmin edib, lakin görüşün əlavə təfərrüatlarını açıqlamayıb.
Məsudla əlaqə saxlamaq mümkün olmayıb.
Qeyd edək ki, avqust ayından bəri Kabilin şimalında, Pəncşir müqavimət hərəkatının qalasında iki tərəf arasında şiddətli toqquşmalar gedir.
