“Artsax Ombudsmanı” Google-ni Azərbaycanın təxribatlarına uymamağa və rəqəmsal xəritələrdən erməni toponimlərini çıxarmamağa çağırıb
“Artsaxın” hüquq müdafiəçisi Qeqam Stepanyan Google-a məktub göndərərək, Azərbaycanın təxribatlarına uymamağa, Azərbaycanın əsassız tələblərinə məhəl qoymamağa və Artsaxın erməni toponimlərini rəqəmsal xəritələrdən silməkdən çəkinməyə çağırıb.
2021-ci il dekabrın sonunda KİV-də Azərbaycan Xarici İşlər Nazirliyinin rəsmi diplomatik kanallar vasitəsilə “Google”a “Qarabağda Bakının nəzarətində olan ərazilərin erməni adlarından istifadə edilməsindən imtina etmək” xahişi ilə müraciəti barədə məlumat yayılıb. Hazırda Google Maps Azərbaycan və erməni dillərində coğrafi adları siyahıya alır.
Azərbaycanın Googledən tələbinə hiddətlənən Qeqam Stepanyanın Googleyə müraciətini diqqətinizə çatdırırıq
“Ombudsman” öz Facebook səhifəsində vurğulayıb ki, Azərbaycanın bu səyləri Azərbaycanın “Artsax” xalqını vətənindən məhrum etmək və Artsaxın erməni kimliyini inkar etmək kimi uzunmüddətli siyasətinin növbəti təzahürüdür. O xatırladıb ki, Azərbaycanın cinayət siyasətinin kulminasiya nöqtəsi 2020-ci ilin payızında Artsax xalqına qarşı başlanmış, bütün Artsax ərazisini işğal etmək və onun xalqını məhv etmək məqsədi daşıyan təcavüz olub.
Stepanyan qeyd edib ki, Azərbaycan “Artsaxa” qarşı iddialarının saxta legitimliyini təmin etmək üçün, nəzarəti altında olan ərazinin hər qarışından ermənilərə, erməni mədəniyyətinə və tarixinə aid hər hansı izi qəsdən silir, məhv edir.
“Azərbaycanın erməni toponimlərinin xəritələrdən çıxarılması tələblərinin əsl motivlərini müəyyən etmək asandır: Artsax (Dağlıq Qarabağ) sadəcə toponim deyil, erməni mədəniyyətinin və tarixinin bütövlüyüdür. “Artsaxın” erməni toponimləri həm yerin yaddaşıdır, həm də bu yerlərə bu adları verən insanların canlı yaddaşıdır. Yer adları regional mədəniyyətin simvolu kimi çıxış edir, beləliklə, yerin tarixini və atmosferini əks etdirir. Azərbaycanın erməni toponimlərinin xəritələrdən çıxarılması tələbi öz cinayət siyasətini təbliğ etmək üçün, xəritələrdə istədiyi reallığı yaratmaq cəhdindən başqa bir şey deyil”.
Müdafiəçi məktubda xalqların öz toponimlərindən sərbəst istifadə, qorunub saxlanılması və miras qalması hüququnu təmin edən beynəlxalq hüquq normalarını təqdim edib. O vurğulayıb ki, beynəlxalq hüquq toponimləri və coğrafi adları dövlətlərin mülkiyyəti hesab etmir, onları xalqların qeyri-maddi irsi hesab edir.
Stepanyan qeyd edib ki, erməni toponimlərinin çıxarılması yalnız Azərbaycan tərəfindən “Artsax” xalqının hüquqlarının kobud şəkildə pozulmasına təkan verəcək və qeyri-qanuni istifadənin nəticələrinin leqallaşdırılmasına töhfə verəcək.
Şirkətin xəritələrdə erməni yer adlarının istifadəsində əks olunan insan mərkəzli yanaşmasını yüksək qiymətləndirən İnsan Hüquqları Müdafiəçisi şirkətin Azərbaycanın xəritələrin dəyişdirilməsi üzrə ardıcıl cəhdlərini və “Artsax” əhalisinə qarşı etnik təmizləməni rədd edəcəyinə əminliyini ifadə edib.
