Venesuela məhkəməsi Argentina prezidentinin həbsinə order verdi

Venesuela məhkəməsi Baş Prokurorluğun Argentina Prezidenti Xavyer Mileyin həbsinə order verilməsi ilə bağlı müraciətini təsdiqləyib.

Oxu.Az bu barədə TASS-a istinadən xəbər verir.

Bildirilir ki, order Buenos-Ayresdə olan Venesuelanın Emtrasur təyyarəsinin ABŞ tərəfindən müsadirə edilməsi ilə bağlıdır. Venesuela Baş Prokurorunun sözlərinə görə, Argentina rəhbərliyi xüsusilə ağır oğurluqda ittiham olunur.

Argentina Xarici İşlər Nazirliyi isə təyyarənin ABŞ-yə təhvil verilməsi ilə bağlı qərarın Argentina məhkəməsi tərəfindən verildiyini nəzərə alaraq, Miley ilə bağlı istintaqı əsassız adlandırıb.