Azərbaycan Qran-prisi: “Formula 1″də ilk sərbəst yürüş başa çatıb, Ferstappen birinci olub

Bakıda keçirilən “Formula 1” üzrə Azərbaycan Qran-prisində ilk sərbəst yürüş başa çatıb.

“Report”un məlumatına görə, “Red Bull” pilotu Maks Ferstappen birinci olub.

“Mercedes”dən Lüis Hemilton ikinci, Ferstappenin komanda yoldaşı Serxio Peres üçüncü pillədə qərarlaşıb.

Bu gün “Formula 1″də ikinci test yürüşü, “Formula 2″də isə sıralama turu gerçəkləşəcək.

“Formula 2″də sərbəst yürüşdə ən yaxşı nəticəni “Van Amersfoort Racing”dən Entso Fittipaldi göstərib.

Qeyd edək ki, Azərbaycan Qran-prisi sentyabrın 15-də başa çatacaq.