Qəzzada 21 minə yaxın uşaq itkin düşüb

Böyük Britaniyada yerləşən beynəlxalq qeyri-hökumət təşkilatı olan Save the Children, Qəzzada 21 minə yaxın uşağın ailələrindən ayrıldığını, dağıntılar altında, nəzarət altında olduğunu və adı açıqlanmayan və ya kütləvi məzarlıqlarda basdırıldığını açıqlayıb.

Save the Children təşkilatının verdiyi açıqlamada, İsrailin Qəzzanın cənubundakı Rəfahda artan hücumları səbəbiylə ailələrindən ayrılan uşaqların sayının artdığı, müdafiəsiz uşaqları qoruyanlara təzyiq edildiyi bildirilib.

İctimai Rəy “TRT Haber”ə istinadən xəbər verir ki, açıqlamada, Qəzzada təxminən 17 min uşağın ailələrindən ayrıldığı və ya itkin düşdüyü bildirildi. Təxminən 4 min uşağın dağıntılar altında, kütləvi məzarlıqlarda və ya adı açıqlanmayan məzarlarda olduğu təxmin edildiyi paylaşıldı.

Açıqlamada naməlum sayda uşağın nəzarətə alındığı və Qəzzadan çıxarılmış ola biləcəyi vurğulanıb.