Aİ-də heç kim Ermənistan və Ukraynanı gözləmir – Medvedyev

Rusiya Təhlükəsizlik Şurasının sədr müavini Dmitri Medvedyev əmindir ki, Qərb Ermənistanı Avropa İttifaqına (Aİ) dəvət etmək fikrində deyil və Ukrayna da yaxın gələcəkdə bunu görməyəcək.

“KTMT (Kollektiv Təhlükəsizlik Müqaviləsi Təşkilatı) və Avrasiya İqtisadi İttifaqı çərçivəsində müttəfiqlik münasibətləri ilə möhkəmlənən rus və erməni xalqları arasında çoxəsrlik dostluq uzun müddətdir ki, Vaşinqton və onun müttəfiqlərinin gözündə ağ damara çevrilib.. Qafqazi respublikasını Avro-Atlantik düşərgəyə çəkmək üçün mühüm qüvvələr sərf edilib”, – Medvedyev “Rossiyskaya qazeta”da dərc olunan məqaləsində baş verənləri təsvir edib.

O, xəbərdarlıq edib ki, İrəvana tam sədaqət müqabilində “qızıl dağlar”, o cümlədən Avropa İttifaqına üzvlük təklif olunur. “Ancaq özünüzü aldatmayın: bu cür vədlər sadəcə olaraq neokolonial siçan tələsinin yemidir. Heç kim “elita klubu”nun qapılarını erməni xalqının üzünə açmaq fikrində deyil. Neo-banderaçılardan soruşun ki, onlar Aİ-yə üzv ola biliblərmi? Xeyr və onlar bunu tezliklə əldə etməyəcəklər. Və ümumiyyətlə görəcəklərmi?” – deyə Medvedyev hədə dolu ritorika ilə ermənilərə düşünməyi təklif edib.\\musavat\\