Qazprom Ermənistanın enerji sektorunda strateji tərəfdaşıdır: Paşinyan Milleri qəbul etdi

Ermənistanın baş naziri Nikol Paşinyan və “Qazprom” un baş direktoru Aleksey Miller Ermənistan-Rusiya enerji əməkdaşlığı məsələlərini müzakirə ediblər.

Qazprom Ermənistanın enerji sektorunda strateji tərəfdaşıdır və hökumət qarşılıqlı faydalı əməkdaşlığın inkişafına önəm verir.

İctimairey.az Baş nazirin mətbuat xidmətindən verilən məlumata görə bildirir ki, bunu Baş nazir Nikol Paşinyan “Qazprom” QSC-nin İdarə Heyətinin sədri Aleksey Millerlə görüşündə deyib.

Öz növbəsində, Miller PJSC “Qazprom” un Ermənistandakı fəaliyyətini, şirkətin investisiya və sosial proqramlarını təqdim edib. Onun sözlərinə görə, “Qazprom” ona həvalə edilmiş bütün vəzifələri yerinə yetirməyə, ölkəni daim qazla təmin etməyə davamlı hazırdır.

Həmsöhbətlər enerji sahəsində Ermənistan-Rusiya əməkdaşlığının hazırkı prosesini və inkişaf perspektivlərini müzakirə ediblər, şirkətin fəaliyyəti ilə bağlı məsələlərə toxunublar. Ermənistanda uzunmüddətli enerji inkişafı proqramlarının və etibarlı qaz təchizatı sisteminin formalaşdırılmasının vacibliyi vurğulandı.

İctimairey.az