Azərbaycanın Müdafiə naziri Türkiyənin Baş Qərargah rəisi ilə görüşüb

Azərbaycanın Müdafiə naziri Türkiyənin Baş Qərargah rəisi ilə görüşüb

İctimairey.az Müdafiə Nazirliyinin Mətbuat Xidmətinin məlumatına istinadən xəbər verir ki, “IDEF – 2021” Beynəlxalq Müdafiə Sərgisində iştirak etmək məqsədilə İstanbul şəhərində səfərdə olan Azərbaycan Respublikasının Müdafiə naziri general-polkovnik Zakir Həsənov Türkiyə Respublikasının Baş Qərargah rəisi ordu generalı Yaşar Gülerlə görüşüb.

Görüşdə iki ölkə arasında hərbi-texniki əməkdaşlığın inkişaf perspektivləri və qarşılıqlı maraq doğuran digər məsələlər barədə fikir mübadiləsi aparılıb.

İctimairey.az