Kuleba Rusiya ilə güzəştə getməyə hazır olduqlarını bəyan etdi

Ukraynanın xarici işlər naziri Dmitri Kuleba bildirib ki, Kiyev Moskva ilə müəyyən şərtlər daxilində kompromislərə getməyə hazırdır.

“Unikal” xəbər verir ki, Kuleba İspaniyanın “Mundo” nəşrinə müsahibəsində Ukrayna hakimiyyətinin Rusiya qoşunlarının tamamilə çıxarılmasından əvvəl danışıqlara başlaya biləcəyi ilə bağlı sualı cavablandırarkən “Bu, şəraitdən asılıdır” deyib.

Nazir bəyan edib ki, Ukrayna Silahlı Qüvvələrinin əks-hücum əməliyyatı ləng gedir.

Kuleba bu yaxınlarda İtaliyanın “Corriere” nəşrinə müsahibəsində Kiyevin yalnız Rusiya qoşunlarının Ukrayna ərazisindən çıxarılması halında Moskva ilə danışıqlara hazır olduğunu, üstəlik bu danışıqları Putinlə aparmayacaqlarını demişdi.