İran daha bir ABŞ vətəndaşını həbs etdi

İran təhlükəsizlik məmurları ABŞ vətəndaşı olan qadını casusluq ittihamı ilə həbs ediblər.

Axar.az xəbər verir ki, bu barədə “Xorasan” qəzeti məlumat yayıb.

Məlumatda İran əsilli qadının əvvəllər Əfqanıstanda qeyri-hökumət təşkilatlarında işlədiyi bildirilib.

O, bir neçə həftə əvvəl həbs edilsə də, barəsində xəbər avqustun 7-də yayılıb.

ABŞ saxlanılan qadının azad olunacağı tarixə qədər İranla məhbus mübadiləsi sazişinin icrasını dayandırıb.

Qeyd edək ki, hazırda 5 ABŞ vətəndaşı İranda həbsdədir.