Putin San-Fransiskoda keçiriləcək sammitə dəvət gözləmir

Kreml Rusiya prezidenti Vladimir Putinin noyabrda San-Fransiskoda keçiriləcək Asiya-Sakit Okean İqtisadi Əməkdaşlıq Təşkilatının sammitinə dəvət almasını gözləmir.

Bu barədə TASS-a dövlət başçısının mətbuat katibi Dmitri Peskov bildirib.

Bundan əvvəl “The Washington Post” Amerika rəsmilərinə istinadən yazıb ki, ABŞ hakimiyyəti Putini bu görüşə dəvət etmək niyyətində deyil.

“Bundan əvvəl, indiyədək çoxlu tədbirlər var. Bu, hələ müzakirə olunmayıb. Amma biz bu dəvəti mütləq gözləməyəcəyik”, – Peskov Kremlin artıq Vaşinqtondan bildiriş alıb-almadığı sualına cavabında deyib.