Oğanın seçiciləri kimə səs verəcək? – ABŞ mediası

Türkiyədə prezident seçkilərinin ilk turunda üçüncü olan Sinan Oğan birdən-birə Türkiyədə ən çox danışılan adlardan birinə çevrildi.

Axar.az xəbər verir ki, bu barədə “Nyu York Tayms” qazeti məlumat yayıb.

“Hansı namizədi dəstəkləyəcəyini hələ açıqlamayan Oğan deyir ki, ona səs verənlərin 70 faizi onun məsləhətinə əməl edəcək. Lakin siyasi analitiklər buna o qədər də əmin deyillər. İlk turda onu seçənlərin bir çoxu başqa namizədlərə etiraz etmək üçün onu seçmiş ola bilər.

İlk turda rahat liderliyi ilə Ərdoğan ikinci raundda qalib gəlməyə hazır görünür. Analitiklər Sinan Oğanın seçicilərinin Ərdoğana üstünlük verməsini gözləyirlər”, – məlumatda qeyd edilib.