Fransada 2,3 milyon insan islahatlara etiraz etdi
Fransada 1 May nümayişlərində 782 min insan artıq qəbul edilmiş pensiya islahatına etiraz edib.
Bu barədə Fransa Daxili İşlər Nazirliyi məlumat yayıb.
Polis bildirib ki, təkcə ölkənin paytaxtı Paris şəhərində 112 min nəfər küçələrə çıxıb. Lakin Ümumi Həmkarlar İttifaqları ölkə üzrə isə təxminən 2,3 milyon insanın nümayişlərdə iştirak etdiyi bildirib.
Parisdə keçirilən aksiya polislə toqquşmaya çevrilib. Ölkə üzrə nümayişlərin qarşısını almaq üçün 12 min, Parisdə isə 5 mindən 8 minə qədər polis səfərbər edilib.
Etiraz aksiyaları zamanı azı 108 polis əməkdaşı yaralanıb, 291 nəfər saxlanılıb.