Məhəmməd Əlinin çempionluq kəməri hərracda 6,18 milyon dollara satılıb- FOTO

Amerikalı iş adamı və İndianapolis Kolts Milli Futbol Liqasının (KMFT) sahibi Cim İrsey Məhəmməd Əlinin Dünya Boks Şurasının (DBŞ) çempionluq kəmərini hərracda 6,18 milyon dollara alıb.

Əli 1974-cü ildə amerikalı Corc Formanla dueldə rəqibini səkkizinci raundda nokautla məğlub edərək kəmər qazanıb.

İrsi üçün bu, hərraclarda ilk bahalı alış deyil. İş adamı Elvis Presli və Con Lennona məxsus bir neçə gitara sahibidir.

Məhəmməd Əli 1942-ci ildə anadan olub, doğulanda aldığı Cassius Clay Jr. adını 1964-cü ildə İslamı qəbul etdikdən sonra dəyişdirib. Əli yüngül çəkidə 1960-cı il Olimpiya çempionu, ağır çəkidə mütləq dünya çempionudur (1964-1966, 1974-1978). Boksçu 61 döyüş keçirib, 56-da qalib gəlib (37-si nokautla). Əli 2016-cı ildə dünyasını dəyişib.