İsfahandakı Şah məscidi: İranın məşhur binası bərpa zamanı zədələnib

Rəsmilər memarlığın şah əsəri sayılan 17-ci əsrə aid İran məscidinin bərpa işləri zamanı zədələndiyini etiraf ediblər.

İsfahandakı Şah məscidi İranın bəlkə də ən gözəli hesab olunur və BMT-nin Dünya Ədəbi İrsinin bir hissəsidir.

Amma son bərpada bir tərəf qeyri-bərabər görünür və xarakterik çiçək naxışları uyğun gəlmir.

Rəsmilər çatışmazlıqları etiraf etsə də, onların düzəldilə biləcəyini bildiriblər.

Layihənin bərpaçısı Mehdi Pakdel bildirib ki, iş “hələ bitməyib”.

Cənab Pakdel bunu istifadə edilən iskele ilə bağlı problemlər, eləcə də günbəzin 54 m (177 fut) hündürlüyü ilə bağlı problemlərlə əlaqələndirib.

Məscid ölkənin üçüncü ən böyük şəhəri olan İsfahanın qızıl çağı adlanan dövrdə tikilib.

Çarpıcı parlaq mavi və sarı naxışlı plitələrlə bəzədilmiş məscid İrandan və ondan kənarda olan müsəlman ibadətçiləri və turistləri özünə cəlb edir.

Dövlət mediasına görə, şəhərin irs şöbəsinin rəhbəri Əlireza İzadi, “Müfəttişlər və bərpaçılar, xüsusən də günbəzin təpəsində ziyan olduğunu başa düşüblər” deyə bildirib.

“Biz günbəz plitələrini dəyişdirəcəyik, çünki iskelenin ağırlığı onların kənarlarını zədələyib” deyib.