Ukrayna qəzəblənib: Makronun “Rusiyanı alçaltmayın” dediyinə görə- FOTO
Ukraynanın xarici işlər naziri Fransa prezidenti Emmanuel Makronun Rusiyanın işğalı ilə alçaldılmamasının kritik olduğunu dedikdən sonra, onu tənqid atəşinə tutub.
Makron deyib ki, prezident Vladimir Putinin “fundamental səhv” adlandırdığı vəziyyətdən çıxış yolu tapması çox vacibdir.
Lakin Dmitri Kuleba deyib ki, müttəfiqlər “özünü alçaltdığı üçün Rusiyanı öz yerinə necə oturtmağa diqqət yetirməlidirlər”.
Cənab Makron atəşkəs və danışıqları təmin etmək üçün, dəfələrlə cənab Putinlə telefonla danışıb.
Fransızların Kreml lideri ilə dialoqu davam etdirmək cəhdləri ABŞ və Britaniyanın mövqeyi ilə ziddiyyət təşkil edir.
Xarici işlər naziri Kuleba “Twitter” səhifəsində yazıb ki, “Rusiyanı alçaltmaqdan çəkinməyə çağırışlar yalnız Fransanı və ona çağırış edən istənilən başqa ölkəni aşağılaya bilər”.
Kiyev deyir ki, Rusiya Ukraynadan ərazi güzəştləri istəməməlidir, çünki Rusiyanın işğalı beynəlxalq ictimaiyyət tərəfindən qəddar təcavüz kimi pislənir.
Bundan əvvəl Makron Fransanın regional mediasına Rusiya liderinin “özünü təcrid etdiyini” bildirmişdi.
“Düşünürəm və ona dedim ki, o, xalqı, özü və tarixi üçün tarixi və əsaslı səhv edib”.
“Təcrid bir şeydir, amma ondan çıxa bilmək çətin yoldur” deyib.
İtaliyanın baş naziri Mario Draghi, Avropanın “müəyyən etibarlı danışıqlara” ehtiyacı olduğunu irəli sürərkən, cənab Makrona qoşulub.
Severodonetskdə şiddətli döyüşlər
Ukraynanın şərqindəki Severodonetsk şəhəri Ukraynada döyüşlərin episentri olaraq qalır və burada Ukrayna qüvvələri Rusiya tanklarına, piyada və ağır artilleriya atəşinə şiddətlə müqavimət göstərir.
Şəhərin ələ keçirilməsi Luqansk vilayətini Rusiya qüvvələrinə və onların qonşu Donetsk vilayətinə də nəzarət edən yerli separatçı müttəfiqlərinə təslim edəcək.
Ukraynanın bölgə qubernatoru Sergey Qayday deyib ki, onun qoşunları Severodonetskin təxminən beşdə birini geri alıb və tab gətirə bilər.
“Qərbin kifayət qədər uzaqmənzilli silahlarına sahib olduqdan sonra, onların artilleriyasını mövqelərimizdən sıxışdıracağıq. Sonra, inanın ki, rus piyadaları sadəcə qaçacaqlar” deyib.
ABŞ Kiyev qoşunlarını Rusiyanın mövqelərini daha uzaq məsafədən vura bilməsi üçün, dəqiq idarə olunan raket sistemləri ilə təmin etməyi planlaşdırır. Böyük Britaniya da onlara bir neçə böyük multi-raket batareyaları göndərəcək.
Severodonetsklə üzbəüz, Seversky Donets çayının o tayında, Lisiçansk yerləşir. Hər iki şəhər Rusiya üçün strateji əhəmiyyət kəsb edir: Severodonetskdə azot gübrələri istehsal edən nəhəng kimya zavodu Azot, Lisiçanskda isə Ukraynanın ikinci ən böyük neft emalı zavodu yerləşir.
Döyüşlər Severodonetskin böyük hissəsini xarabalığa çevirsə də, minlərlə dinc sakin hələ də zirzəmilərdə gizlənir.
Qubernator Haydai bildirib ki, Rusiya qoşunları Ukraynaya hərbi əlavələr gətirməsinin və mülki əhaliyə yardımın çatdırılmasının qarşısını almaq üçün, çay üzərindəki körpüləri partlatırlar.
Esmira ŞÜKÜROVA İctimairey.az