Türkiyə PKK-ya qarşı yeni əməliyyata başladı

Bu gündən etibarən qəhrəman Türk Silahlı Qüvvələrimiz İraqın şimalından xalqımıza və təhlükəsizlik qüvvələrimizə qarşı törədilən terror aktlarını aradan qaldırmaq və sərhəd təhlükəsizliyimizi təmin etmək məqsədi ilə terrorçu hədəflərə qarşı “Pəncə-Qıfıl” (Pençe Kilit) əməliyyatına başlayıb.

Axar.az xəbər verir ki, bu sözləri Türkiyə milli müdafiə naziri Hulusi Akar deyib.

“Hazırlanan plan çərçivəsində həyata keçirilən əməliyyatda ilk olaraq Metina, Zap və Avaşin-Basyan bölgələrindəki terror hədəfləri hava qüvvələrimiz tərəfindən atəşə tutuldu. ATAK helikopterlərimiz və PUA-ların dəstəyi ilə qəhrəman komandolarımız qurudan sızaraq və hava hücumu əməliyyatı ilə bölgəyə daxil oldu. Hələlik əməliyyatımız planlaşdırıldığı kimi uğurla davam edir. Birinci mərhələdə qarşıya qoyulan hədəflərə nail olunub”, – Akar bildirib.