Bakıda qadınlara qeyri-adekvat hərəkətlərlə xuliqanlıq  etdiyinə görə kişi saxlanılıb

Bakıda qadınlara qarşı xuliqanlıq edən şəxs müəyyən edilərək saxlanılıb.

İctimairey.az xəbər verir ki, bu barədə bu gün, fevralın 11-də Azərbaycan Daxili İşlər Nazirliyinin mətbuat xidmətindən məlumat verilib.

Respublika sakini zərif cinsin nümayəndələrini küçələrdə təhqir formasında həyasızcasına qorxudub. Qızların və qadınların yanından keçərkən onların sifətinə sillələr vurub və ya onların üzünə əşyalarla zərbələr endiririb.

Keçirilən əməliyyat-axtarış tədbirləri nəticəsində ictimai asayişi kobud şəkildə pozmaqla xuliqanlıq hərəkətlərinin Azərbaycan paytaxtının Yasamal rayon sakini, 1993-cü il təvəllüdlü Əhməd Hüseynov tərəfindən törədildiyi müəyyən edilib. O, əməllərini etiraf edib, lakin onların motivlərini izah edə bilməyib.

Bakı şəhəri Yasamal RPİ-nin İstintaq Şöbəsində ictimai asayişin kobud şəkildə pozulması, cəmiyyətə açıq hörmətsizlik və zorakılıq əlamətlərinin olması ilə bağlı Azərbaycan Respublikası Cinayət Məcəlləsinin 221-ci (xuliqanlıq) maddəsi ilə xuliqana cinayət işi başlanıb.