Almaniya Hərbi Dəniz Qüvvələrinin rəhbəri Krımla bağlı sözlərdən sonra istefa verib

Almaniya Hərbi Dəniz Qüvvələrinin rəhbəri, vitse-admiral Kay-Ahim Şenbax Krımın heç vaxt Ukraynaya qayıtmayacağını dedikdən sonra, istefa verib.

İctimairey.az xəbər verir ki, Hərbi Dəniz Qüvvələrinin mətbuat mərkəzinin bəyanatında deyilir: “Mən federal müdafiə katibindən məni dərhal Hərbi Dəniz Qüvvələrinin rəhbəri vəzifəsindən azad etməyi xahiş etdim”.

Müdafiə naziri Kristina Lambrext vitse-admiralın müraciətini qəbul edib.

Şenbax Hindistan Müdafiə Araşdırmaları İnstitutunda keçirilən konfransda Manohara Parrikara deyib: “Ukraynada heç bir Krım yarımadası yoxdur, o, heç vaxt geri qayıtmayacaq, bu faktdır.”

Ukrayna Xarici İşlər Nazirliyi daha sonra, Almaniya hökumətindən Hərbi Dəniz Qüvvələrinin rəhbərinin sözlərini təkzib etməyi tələb edib, nazirliyin mətbuat katibi Oleq Nikolenkonun sözlərinə görə, “Ukraynanın suverenliyinə və ərazi bütövlüyünə və Avropada təhlükəsizlik gərginliyinin azaldılması səylərinə xələl gətirib”. Nikolenko Şönbaxın bəyanatlarını “qəti şəkildə qəbuledilməz” adlandırıb və “Ukrayna və tərəfdaşlarının israrlı səyləri sayəsində” yarımadanın Ukraynaya qayıdacağına əminliyini ifadə edib.

Almaniyanın Ukraynadakı səfiri Anka Feldhusen bu ölkənin Xarici İşlər Nazirliyinə çağırılıb.

Almaniya Müdafiə Nazirliyi bildirib ki, Şenbaxın sözləri idarənin rəsmi mövqeyini əks etdirmir. “Bu bəyanatlar məzmunu və ifadəsi baxımından heç bir halda nazirliyin mövqeyinə uyğun gəlmir” deyən nazirliyin sözçüsü  bildirib və əlavə edib ki, Şenbax Bundesverin baş müfəttişi Eberhard Zorn qarşısında “ifadəvermək imkanı əldə edəcək”.