ABŞ-ın Kiyevdən diplomatların ailə üzvlərini təxliyə edəcəyi gözlənilir

ABŞ hakimiyyəti Ukraynada işləyən diplomatlarının ailə üzvlərini təxliyə etmək barədə düşünüb.

İctimairey.az xəbər verir ki, bu barədə Bloomberg-dəki mənbə məlumat verib.

Xəbərçinin sözlərinə görə, bu, Ukraynada “vəziyyətin gərginləşməsi” və Rusiyanın mümkün “hücum”u fonunda baş verib.

Birləşmiş Ştatlar əsas olmayan fəaliyyətlə məşğul olan diplomatik heyətin könüllü olaraq Birləşmiş Ştatlara qayıda biləcəyi planı nəzərdən keçirir. Yanvarın sonunda diplomatların ailələrinin təxliyəsi elan ediləcəyi gözlənilir, lakin hələlik yekun qərar verilməyib.

Son aylarda Birləşmiş Ştatlar və Qərb ölkələri Rusiyanın Ukraynaya gözlənilən “hücum”u ilə bağlı fikirlər səsləndirməyə başlayıblar.

Kreml bildirib ki, Moskva heç kimə hücum etmək fikrində deyil və bu barədə xəbərlər NATO-nun şərqə doğru genişlənməsi üçün Qərbə sərfəlidir.

Ukraynada da öz növbəsində Rusiya ilə sərhədlərdə aktivlik müşahidə etmədiklərini qeyd ediblər.