Tokayev yanvarın 10-da Qazaxıstanda milli matəm elan edib

Qazaxıstan prezidenti Kasım-Jomart Tokayev yanvarın 10-u respublikada milli matəm günü elan edib.

İctimairey.az  xəbər verir ki, bu barədə şənbə günü Tokayevin mətbuat katibi Berik Uali bildirib.

“Ölkənin bir sıra regionlarında baş vermiş faciəvi hadisələr nəticəsində çoxsaylı insan tələfatı ilə əlaqədar Qazaxıstan Prezidenti Qasım-Jomart Tokayev 2022-ci il yanvarın 10-nu ümummilli matəm günü elan etmək qərarına gəlib. Müvafiq fərman Akordanın saytında dərc olunacaq”, – deyə Uali Facebook səhifəsində yazıb.

Yanvarın 2-də Qazaxıstanın bir sıra yaşayış məntəqələrində etiraz aksiyaları başlayıb. Bir neçə gün ərzində onlar ölkənin bir çox şəhərlərində iğtişaşlara və hökumət orqanlarına hücumlar etdilər. Minlərlə insan əziyyət çəkdi, ölənlər var. Prezident Kasım-Jomart Tokayev yardım üçün Kollektiv Təhlükəsizlik Müqaviləsi Təşkilatına müraciət edib. Sülhməramlılar artıq Qazaxıstanda öz tapşırıqlarını yerinə yetirməyə başlayıblar. Hakimiyyət orqanlarının məlumatına görə, yanvarın 7-də respublikanın bütün bölgələrində ümumilikdə konstitusiya quruluşu bərpa edilib. Ən çətin vəziyyət Almatıda qalır.