TƏLƏBƏLƏRİN DİQQƏTİNƏ: Xaricdə doktorantura təhsili üçün sənəd qəbulunun vaxtı açıqlanıb

“2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində xaricdə doktorantura təhsilinin maliyyələşdirilməsi üçün sənəd qəbulu ildə 2 dəfə həyata keçirilir”.

Təhsil Nazirliyinin Mətbuat Xidmətindən İctimairey.az-a  verilən məlumata görə, 2022-ci il ərzində həyata keçiriləcək I sənəd qəbulu fevral – aprel, II sənəd qəbulu iyul – sentyabr aylarında olacaq.

Proqram prioritet ixtisas istiqamətləri üzrə xaricdə doktoranturaya qəbul olmağa hazırlaşan və ya hazırda müvafiq sahələr üzrə xaricdə doktorantura səviyyəsində təhsil alan namizədlər üçün nəzərdə tutulub.