Tatuirovka üçün yer yoxdur: Çin futbolu “bədən döyməsinə” qarşı çıxdı

Çin milli komandasında oynayan futbolçuların bədənlərindəki bütün döymələr silinməlidir və yeni döymələr vurmaq qəti qadağandır.

İctimairey.az xəbər verir ki, bu barədə, dekabrın 30-da Çinin idman idarəsi məlumat yayıb.

Qeyd edək ki, son illərdə bu idman növü Çin Kommunist Partiyasının xüsusi nəzarəti altındadır, hər şeydə “intizam və təmizlik” tələb olunur və ölkənin futbol komandası adətən döymələrini gizlətmək üçün uzunqol forma geyinir.

Çin İdman İdarəsi bu həftə bildirib ki, milli komanda oyunçularına “yeni döymələr vurmaq qəti qadağandır”.

İdman idarəsinin əmrində deyilir: “Tatuası olanlara onları silmək tövsiyə olunur”. “Xüsusi hallarda məşq və yarış zamanı tatuajlar örtülməlidir”.

Daha sonra bildirilir ki, 20 yaşdan kiçik və hətta daha gənc milli komandalara döymələri olan idmançıları cəlb etmək “qəti qadağandır”.

Çinli sosial media istifadəçiləri idman administrasiyasının göstərişlərini kifayət qədər tənqid ediblər.

“Biz yaxşı futbolçu seçirik, yoxsa müqəddəs?”, “Açıq deyin ki, yalnız partiya üzvləri futbol oynaya bilər?” deyə  qəzəbli fikirlər səsləndirilir.

AFP qeyd edir ki, “bədən mürəkkəbi” ənənəvi olaraq Çində rəğbətlə qarşılanırdı.  Hakimiyyətin bu cür “geyilən sənətə” nifrət etdiyini açıq şəkildə bəyan etməsinə baxmayaraq, bunun gənclər arasında getdikcə daha çox populyarlaşdığı görünür.

Çin Futbol Federasiyası son illərdə milli komanda oyunçularına döymələrini ört-basdır etməyi əmr edib və “yaramaz” gənc futbolçuları təlim-məşq və marksist “maarifləndirmə” üçün hərbi düşərgələrə göndərib. Bu, yerli azarkeşlərin məmurların idmandan daha çox, siyasət haqqında düşündükləri ilə bağlı şikayətlərinə səbəb olub.