ƏMR: 60 yaşına çatmamış qadınlar hərbi xidmət üçün qeydiyyatdan keçməlidir
Ukrayna Müdafiə Nazirliyi müəyyən peşə sahibləri olan qadınları hərbi qeydiyyata almaq qərarına gəlib. Siyahı yüzlərlə ixtisası əhatə edir.
İctimairey.az xəbər verir ki, bu barədəhttps://ictimairey.az/2021/12/23/progress-m-um-kosmik-g%c9%99misini-sakit-ok/ Müdafiə Nazirliyinin sabiq hərbi naziri Andrey Taran tərəfindən imzalanmış 11 oktyabr tarixli əmrində deyilir. Bildirilir ki, yayımlanan yeni siyahı əvvəlkindən on dəfə genişdir.
Sərəncamda deyilir ki, işəgötürən bu siyahıda olan ixtisaslar üzrə, işləyən qadınların hərbi qeydiyyata alınmasını təmin etməlidir.
Həmçinin təşkilat və müəssisələrin kadr şöbələri işə qəbul zamanı sənədlərdə qadınların uçota alınması haqqında işarələrin olmasını yoxlamalıdır.
Sağlamlıq vəziyyəti hərbi həkim komissiyası tərəfindən müəyyən edilməlidir, ehtiyatda və hərbi ehtiyatda qalmanın maksimum yaşı 60-dır.
Ukraynanın keçmiş müdafiə naziri Anatoli Qrıtsenko öz Facebook səhifəsində yeniliyi şərh edib. O, bəyan edib ki, Taranın artıq qüvvəyə minmiş sərəncamını yerinə yetirmək, sadəcə olaraq mümkün deyil.
Generalın izah etdiyi kimi, genişləndirilmiş siyahıya daxil olan bütün qadınların qeydiyyata alınması, ən azı bir il yarım-iki il çəkəcək.
Və bu, yalnız dinc şəraitdə, indi Ukraynada yoxdur, ona görə də departamentin son əmrini yerinə yetirmək ümumiyyətlə qeyri-realdır.
“Bu işin miqyasını başa düşərək deyə bilərəm ki, əmri yerinə yetirmək üçün, ən azı bir il yarım, iki il vaxt lazımdır və bu, dinc şəraitdə, həm də hərbi komissarlıq hər rayonda olanda. İndi də – müharibə vəziyyətində, mərkəzsizləşdirmə fonunda (dövlət idarələri və hərbi komissarlıqlar şəbəkəsinin məhdudlaşdırılması ilə), hakimiyyət orqanlarının peşəkarlığının azalması fonunda, həmçinin pandemiya (klinikalar və həkimlər qeydiyyatdan keçənləri yoxlayanda, artıq covidlə mübarizədən əziyyət çəkirlər) – bu vəzifə praktiki olaraq mümkün deyil “deyə Qritsenko vurğulayır.
O hesab edir ki, sərəncam icra üçün deyil, “sırf büdcələri cərimələrlə doldurmaq üçün” verilib. Axı, söhbət yüzdən çox ixtisas üzrə milyonlarla qadından gedir.
Bir qadın qeydiyyatdan keçməzsə, o zaman 850 ilə 1700 qriven( 53,20 -106,40 manat) arasında cərimə ödəyəcək. Üstəlik, ona əlavə olaraq, işlədiyi təşkilat da cərimə ödəyəcək və bu, 5 100 ilə 8 500 qriven (81 495,00 ilə 135 825,00 manat) arasındadır.
Qeyd edilir ki, hərbi komissarlıqların həkim komissiyaları artıq Covid-19 pandemiyası şəraitində hərbi xidmətə yazılanlardan necə pul qazanacağını müəyyənləşdirib. Koronavirus xəstələri üçün, psixiatrlar indi 200 qriven (3 195,88 manat) dəyərində xüsusi sertifikat tələb edə bilərlər.
Səhiyyə Nazirliyi bütün arayışların pulsuz olmasını təmin etsə də, hərbi komissarlar sadəcə olaraq, çiyinlərini çəkərək, həkim kollegiyasına təsirlərinin olmadığını bildirirlər.