Dubayda baş verən qəza Ermənistanın PLANLARINI POZDU

Dubayda keçirilən aviaşouda pilot Namanş Sialın ölümünə səbəb olan qəzadan sonra Ermənistan 1,2 milyard dollara Hindistan istehsalı 12 “Tejas” döyüş təyyarəsinin alınması ilə bağlı danışıqları dayandırıb.

İctimairey.az Haqqin.az-a istinadən xəbər verir ki, qəzanın səbəbi hələlik məlum olmasa da, lakin təyyarənin nüfuzu artıq ciddi şəkildə zədələnib.

Məlumatda bildirilir ki, Dubaydakı beynəlxalq aviasiya sərgisində minlərlə tamaşaçının gözü qarşısında baş verən Hindistana məxsus “Tejas” qırıcı təyyarəsinin qəzaya uğraması Hindistanın ixrac ambisiyalarına ciddi zərbə vurub və Nyu-Dehlinin qlobal silah bazarındakı mövqeyini xeyli zəiflədib.

“Hindustan Aeronautics Limited” tərəfindən hazırlanmış 4,5 nəsil qırıcı HAL “Tejas” uzun müddətdir ki, büdcəsi məhdud olan ölkələr üçün əlçatan, texnoloji baxımdan adaptiv döyüş təyyarəsi kimi təqdim olunurdu.