Peskov: ABŞ İkinci Dünya müharibəsində SSRİ-yə kömək edirdi, lakin bu, onlar üçün biznes idi

Kremlin rəsmi nümayəndəsi Dmitri Peskov ABŞ-ın İkinci Dünya müharibəsi zamanı SSRİ-yə yardımını şərh edərək bildirib ki, bu köməklər əsasən biznes maraqlarına əsaslanıb.

“Amerika ilə Avropa arasında okean var idi… Müharibə başqa bir qitədə baş verirdi,” – deyə Peskov ABŞ-ın yeni liderinin açıqlamalarını şərh edərkən qeyd edib.

Musavat.com xəbər verir ki, Peskovun sözlərinə görə, İkinci Dünya müharibəsində ən böyük fədakarlığı SSRİ göstərib: “Bəli, ABŞ kömək edirdi, amma onlar hər zaman pul qazanmağa çalışırdılar – bu, onlar üçün həmişə biznes olub.”

Kremlin nümayəndəsi hazırkı dövrdə də oxşar bir yanaşmanın müşahidə olunduğunu bildirib: “Vaşinqton hazırda da Ukraynaya yardım edərək pul qazanır.”

“Biz ABŞ-ın İkinci Dünya müharibəsində göstərdiyi yardımı heç vaxt unutmayacağıq. Ümid edirik ki, ABŞ və Prezident Tramp bizimlə birlikdə Qələbənin 80 illik yubiley sevincini bölüşəcək,” – deyə Peskov əlavə edib.