Rusiyadan miqrantlarla bağlı qadağa

Rusiya İstintaq Komitəsinin mətbuat xidmətlərinə cinayətkarların və şübhəlilərin milliyyətini göstərmək qadağan edilib. Həmçinin miqrantlara qarşı reydlərin aktiv şəkildə işıqlandırılması da məhdudlaşdırılıb.

Axar.az xəbər verir ki, bu barədə “Baza” Teleqram kanalı məlumat yayıb.

Məlumata görə, əgər əvvəllər mətbuat işçiləri miqrantlar barəsində məlumat verərkən onların milliyyətini göstərirdilərsə, indi informasiyaların mətnində onlar sadəcə olaraq “şəxs” kimi qeyd olunacaqlar:

“Həm də “xarici vətəndaşlar” ifadəsi də yazılmayacaq. İstintaq Komitəsi indi miqrantlara qarşı reydləri fəal şəkildə işıqlandırmayacaq. Bu mövzuya qadağa qoyulub. Ancaq xəbərlər artıq mediada geniş yayılsa və şərh vermək mütləqdirsə, press-relizlərdə onlar sadəcə “şəxs” adlandırılacaqlar”.