Çin gəmisi Rusiya sahillərində batdı

Çin bayrağı altında üzən yük gəmisi Saxalin sahillərində Tatar boğazında batıb.

Bu barədə Rusiya Dəniz və Çay Nəqliyyatı Federal Agentliyi məlumat yayıb.

Məlumata görə, “Yong Xing 56” quru yük gəmisi martın 1-i Tatar boğazı sularında Vanino dəniz limanından 42 mil cənub-qərb istiqamətində batıb.

Gəmidəki 21 ekipaj üzvü xilas edilib. Onların hamısının Çin vətəndaşı olduğu bildirilib.