Bayden bu ay Polşaya gəlir

ABŞ Prezidenti Co Baydenin bu ay Polşaya səfər edəcəyi gözlənilir.

“NBC Nyus” mənbələrə istinadan məlumat yayıb.

Mənbənin məlumatına görə, Baydenin Polşaya səfəri fevralın sonuna nəzərdə tutulur.

Bildirilib ki, səfərlə bağlı yekun razılaşma olmadığı üçün dəqiq tarix də verilməyib.

ABŞ Milli Təhlükəsizlik Şurasının rəsmisi məsələ ilə bağlı açıqlama verməkdən imtina edib.

Qeyd edək ki, ötən ay da Co Baydenin Polşaya səfər edəcəyi ilə bağlı məlumatlar yayılmışdı.