Yəhudilər Lavrovdan üzr istəməsini tələb edirlər

Avropa Yəhudi Konqresi Rusiya xarici işlər naziri Sergey Lavrovun rusları yəhudilərə, Qərbi isə Hitler və Napoleona bənzədən açıqlamasına reaksiya verib.

Bu barədə Avropa Yəhudi Konqresi bəyanat yayıb.

“Lavrovun demokratik ölkələr koalisiyasının hərəkətləri ilə Hitlerin Holokostun timsalında altı milyon yəhudini təqib etməsi və qətlə yetirməsi arasında etdiyi bu biabırçı müqayisə bizi şoka salır və qəzəbləndirir. Bu, Holokostun ən sadə formada təhrifidir və biz Lavrovu üzr istəməyə və bu şərhləri geri götürməyə çağırırıq”, – bəyanatda deyilir.