Rusiyada daha bir helikopter yandı

Rusiyanın Mi-8 helikopteri Maqadan vilayətinin Taxtoyamsk kəndi yaxınlığında məcburi eniş edib.

Bu barədə Rusiya İstintaq Komitəsinin Nəqliyyat üzrə Şərq İstintaq İdarəsi məlumat yayıb.

Məlumata görə, eniş zamanı Mi-8 yerüstü obyektlə toqquşub və aşıb. Nəticədə helikopter yanıb.

Hadisə zamanı helikopterin 3 ekipaj üzvünün biri yaralanıb.