Fransız dənizçi Atlantik okeanında batmış qayıqda 16 saat qalıb – FOTO

62 yaşlı fransız qayığın batmasından sonra, içindəki hava kisəsi ilə dənizdə 16 saat sağ qalıb.

Portuqaliyanın paytaxtı Lissabondan üzən 12 metrlik gəmi bazar ertəsi axşam saatlarında Atlantik okeanından təhlükə siqnalı göndərib.

İspaniya Sahil Mühafizəsi batmış qayığı tapıb, lakin dəniz onu xilas etmək üçün çox sərt olduğundan, dənizçi səhərə qədər gözləməli olub.

Sahil Mühafizəsinin dalğıclarının sözlərinə görə, adamın sağ qalması “mümkün olmayanın astanasında” olub.

Onun qayığı bazar ertəsi yerli vaxtla 20:23-də İspaniyanın şimal-qərbindəki Qalisiya bölgəsi yaxınlığında, Sisarqas adalarından 14 mil (22,5 km) aralıda qəza siqnalı verib.

Beş dalğıc və üç helikopterlə xilasedici gəmi adı hələlik açıqlanmayan bir şəxsi axtarıb xilas etmək üçün yola düşüb.

Gəminin gövdəsinə həyat əlamətləri axtaran dalğıc gətirilib və adam içəridən zərbə endirərək cavab verib.

Dəniz dalğalı olduğundan və hava qaraldığından xilasetmə qrupu batmaması üçün, qayığa balon bağlayıb və səhərə qədər gözləyib.

Ertəsi gün iki dalğıc qayığın altında üzüb, neoprendən sağ qalma kostyumu geyinmiş və dizə qədər suda batan dənizçiyə kömək edib.

Daha sonra kişi buzlu suya atılıb və qayığın altında üzərək dənizin səthinə çıxıb.

İspan Dəniz Təhlükəsizliyi və Xilasetmə Cəmiyyəti bir tvitində “Xilas edilən hər bir həyat bizim ən böyük mükafatımızdır” deyib.

Sahil Mühafizəsinin Xüsusi Əməliyyat Qrupunun üzvü Visente Kobelo bildirib ki, dənizçi “öz təşəbbüsü ilə” suya girib.

Lakin cənab Kobelo əlavə edib ki, dalğıclar dənizçinin kostyumdan çıxması çətin olduğundan onu çıxarmağa kömək ediblər.

Xilasedicilər onu təyyarə ilə qaldırıb və qısa müddət ərzində müayinə üçün xəstəxanaya aparıblar.