Kiyev Ankaradan rus gəmiləri üçün Bosfor və Çanaqqala boğazlarını bağlamağı xahiş edib
Kiyev Ankaradan rus gəmiləri üçün Bosfor və Çanaqqala boğazlarını bağlamağı xahiş edib
Ukrayna Türkiyədən Rusiya gəmiləri üçün Bosfor və Çanaqqala boğazlarını bağlamağı xahiş edib. Rusiya bundan əvvəl sakinləri “Kiyev rejiminin təcavüzündən” qorumaq üçün, Donbassda hərbi əməliyyatlara başlayıb. Kiyev Moskvanın hərəkətlərini müharibəyə səbəb hesab edir.
Ukraynanın Türkiyədəki səfirliyi Twitter-də yazıb ki, Ukrayna Çanaqqala boğazını rus gəmiləri üçün bağlamaq istəyi ilə Türkiyəyə müraciət edib.
“Türkiyə rəhbərliyinə müraciət edirəm: Ukraynaya kömək edin. Çanaqqalanın bağlanmasını tələb edirik. Biz Rusiyaya qarşı sanksiyaların tətbiq olunmasını istəyirik”, – deyə Türkiyədəki səfir Vasili Bondar bildirib.
İctimairey.az mediyaya xəbərinə görə bildirir ki, səfir Bosfor boğazının Rusiya gəmiləri üçün bağlanmasını da istəyib.
Bir gün əvvəl diplomat etiraf etmişdi ki, Ukrayna ona qarşı genişmiqyaslı hərbi əməliyyatlar başlasa, belə bir xahişlə Türkiyəyə müraciət edə bilər. O qeyd edib ki, Rusiya gəmiləri Kiyev üçün “böyük təhlükə” yaradır.
Türkiyə 1936-cı ildə qəbul edilmiş Montrö Konvensiyasına əsasən, Bosfor və Dardanel boğazlarına nəzarət edir. Sənəd ticarət gəmilərinə Türkiyə ərazisindən tranzit üçün ödəniş etmədən boğazlardan sərbəst keçmək hüququ verir. Eyni zamanda, Qara dənizə çıxışı olan dövlətlərin və belə çıxışı olmayan ölkələrin hərbi gəmiləri boğazlardan müxtəlif keçid rejimlərinə riayət edirlər.
Belə ki, sülh dövründə Qara dəniz ölkələri Türkiyəni xəbərdar edərsə, istənilən növdə olan hərbi gəmiləri boğazlardan keçirə bilər. Qara dənizdə olmayan güclərin döyüş gəmiləri üçün növ və tonajla bağlı məhdudiyyətlər var.
