Əliyev Azərbaycanla Ermənistan arasında sülh müqaviləsinin bağlanmasının şərtlərini açıqlayıb
Azərbaycan prezidenti İlham Əliyev bəyan edib ki, İrəvanla Bakı arasında sülh sazişi olmalıdır.
“Əlbəttə, Ermənistanla Azərbaycan arasında sülh sazişi olmalıdır. Bu saziş ölkələrin ərazi bütövlüyünün qarşılıqlı tanınması şərti ilə beynəlxalq hüquq normaları və prinsiplər əsasında imzalanmalıdır”, – deyə Əliyev Ağdam rayonuna səfəri zamanı bildirib.
Eyni zamanda, dövlət başçısı qeyd edib ki, “Azərbaycan xalqı və heç kim ermənilərin törətdiyi vəhşilikləri heç vaxt unutmamalıdır”.
Əliyev həmçinin Azərbaycanın hazırda gördüyü işlərin, xüsusən də hərbi quruculuq sahəsində ölkəni daha da gücləndirəcəyinə və Ermənistanın revanşist qüvvələrinə cavab olacağına əminliyini ifadə edib.
“Biz öz torpaqlarımızdayıq. Biz bu torpaqlara qan tökərək qayıtdıq. Biz bu torpaqlarda möhkəm dayanırıq və burada yaşayacağıq. Qarabağ Azərbaycandır!”, – deyə dövlət başçısı yekunlaşdırıb.
