Rusiya Federasiyasının Şərq qoşunlarının döyüş hazırlığının qəfil yoxlanılmasına başlandı
Şərq Hərbi Dairəsinin qoşunlarında qəfil döyüşə hazırlıq yoxlanılır.
İctimairey.az xəbər verir ki, bu barədə mediya Müdafiə Nazirliyinin mətbuat xidmətinə istinadən xəbər verir.
“Qoşun hazırlığının qış dövrü üçün nəzərdə tutulan tədbirlər davam edir. “Vostok-2022” strateji komanda-qərargah təliminə hazırlıq çərçivəsində Şərq Hərbi Dairəsinin qoşunlarında qəfil döyüş hazırlığı yoxlanılır”, – nazirlikdən bildirilib.
Qeyd olunur ki, təlimlər Rusiya boyu uzun məsafələrdə yenidən qruplaşdıqdan sonra, cəld hərəkət etmək bacarığını qiymətləndirməyə imkan verəcək. Nəqliyyat infrastrukturunun imkanlarına, hərbi qulluqçuların və texnikanın daşınmasına xüsusi diqqət yetiriləcək.
Şərq Hərbi Dairəsinin bölmələri hərtərəfli təminatın təşkili üzrə geniş spektrli tapşırıqları işləyib hazırlamalı, o cümlədən taktiki təlimlər və uzaqdan atəş poliqonlarında atışlarla döyüş hazırlığına nəzarət və sınaq tapşırıqlarını yerinə yetirməli olacaqlar.
