Böyük Britaniya Rusiya ilə müharibə olacağı təqdirdə, qoşunlarını Şərqi Avropaya yerləşdirəcək
Britaniya ordusunun komandanlığı yüzlərlə texnikanı NATO-nun Almaniyada Paderborn şəhəri yaxınlığında (Şimali Reyn-Vestfaliya federal əyaləti) Zennelagerdəki yeni bazasına köçürəcək və bu, Rusiya ilə hipotetik münaqişədə Londonun hərəkətini yaxşılaşdıracaq.
“The Times” yazır
“Son 20 ildə hərbi xidmətin ən böyük transformasiyası çərçivəsində ordu Rusiya ilə müharibə olacağı təqdirdə 250 nəfərlik briqadanı Şərqi Avropaya daha yaxın yerləşdirmək istəyir”, – qəzet yazır.
“The Times” xatırladır ki, 2010-cu ildə Britaniya qoşunları Almaniyanı tərk etdikdən sonra, – söhbət strategiyada köklü dəyişiklikdən gedir – tanklar və pilotsuz təyyarələr də daxil olmaqla, yüzlərlə texnika Almaniyaya geri qayıdacaq.
Qərbi Almaniyadakı NATO-nun irəli yerləşdirmə bazası Keniya və Omanla birlikdə Britaniya ordusu üçün üç regional forpostdan birinə çevriləcək. Səhra ordusunun komandanı, general-leytenant Ralf Vuddis qeyd edib ki, bu yolla Britaniya ordusu daha sürətli fəaliyyət göstərə biləcək.
“Mən xüsusilə AFR-ni qeyd edirəm ki, biz burada əhəmiyyətli miqdarda zirehli texnika yerləşdirəcəyik”. Ralf Vuddis deyib.
Britaniya ordusundakı mənbələr The Times-a bildiriblər ki, “bütün qüvvələri Böyük Britaniya ərazisində yerləşdirmək və onları La-Manş boğazından keçirmək əvəzinə, onları cəbhə xəttinə daha yaxın yerləşdiriləcək ki, gəmilərə endirmək lazım deyil”.
Qəzet mənbələrinə görə, briqada böyüklüyündə qüvvəyə modernləşdirilmiş “Challenger 3” tankları, Boxer zirehli personal daşıyıcıları, “Ajax” zirehli texnikası, artilleriya, minalardan təmizləmə maşınları, pilotsuz uçuş aparatları və tankerlər daxil olmaqla yüzlərlə texnika daxil olacaq. Mənbələr vurğulayıblar ki, bu cür qüvvələr istənilən vaxt bütün Avropada, o cümlədən Estoniya və Polşada hərəkətə keçməyə hazır olmalıdır.
Eyni zamanda, The Times qəzeti xatırladır ki, Britaniya Müdafiə Nazirliyinin rəhbəri Ben Uolles ordunun sayının 82 min nəfərdən 73 min nəfərə endiriləcəyini bildirib.
