A. Ağalarov: Uzaq Şərqdə 100-150 min kvadratmetr sahədə mənzil tikinti işləri apara bilərik

Araz Ağalarovun “Crocus Group”-u Uzaq Şərqdə mənzil tikintisinə başlaya bilər. Şirkət Russki yarımadasında “Dom.RF” və Kamçatka ərazisinin rəhbərliyi ilə mənzil tikintisi ilə bağlı danışıqlar aparır.

İctimairey.az xəbər verir ki, A. Ağalarov mediyaya verdiyi müshibəsində deib ki, – “Hazırda danışıqlar aparırıq. Ola bilsin ki, biz bu layihəni ortaq iştirakla qəbul edək: layihənin maliyyələşdirilməsini alacağıq, onu tikəcəyik, satacağıq və bu layihənin bir hissəsini Dom.RF-ə köçürəcəyik. Buna pay üçün layihə deyilir”.

“Bir pay üçün” hərracların formatı, qalibin torpaq sahələrinin istifadəsi üçün icarə haqqını ödəmək əvəzinə, Dom.RF-yə tikilmiş obyektlərdəki mənzillərin bir hissəsini köçürməsini nəzərdə tutur. Bu növ hərraca 2020-ci ildə dövlət şirkəti tərəfindən start verilib.”

Ağalarov müsahibəsində xatırladıb ki, “Crocus Group” Russki adasında Uzaq Şərq Federal Universitetini tikib. “Düşünürəm ki, bizdən daha böyük inşaatçılar yox idi”. Onun sözləri, “Dom.RF”-in baş direktoru Vitali Mutkonun diqqətini çəkib.

Dom.RF-nin mətbuat xidmətindən verilən məlumata görə, 2021-ci ilin sonu – 2022-ci ilin əvvəlində Ostrov yaşayış kompleksinin yaxınlığındakı Russki adasında 26,9 hektar ərazidə “pay üçün” hərracın keçirilməsi planlaşdırılır. Ərazinin şəhərsalma potensialı (fərdi və çoxmənzilli yaşayış binaları) 113 min kvadratmetrdir. “Bu, kompleks yaşayış sahəsinin inkişafı baxımından Russki adasındakı Sapernı yarımadasının inkişafının ilk mərhələsidir”.

“Crocus Group” Primorsk diyarında mənzil tikintisi ilə yanaşı, Kamçatkada da yaşayış binaları tikə bilər. Hazırda şirkət yarımadada xəstəxana və hava limanı tikir. “Bizə Kamçatka diyarının rəhbərliyi tərəfindən mənzil tikintisində iştirak etmək təklifi ilə müraciət olundu, çünki bu, orada böyük problemdir. Biz əvvəl razılaşdıq, indi bu məsələ üzərində iş gedir”, – deyə Ağalarov bildirib. İş adamının sözlərinə görə, şirkət yarımadada 100-150 min kvadratmetr sahədə mənzil tikinti işləri apara bilər.

İctimairey.az